١٨ شوال ١٤٢٨ هـ

بطاقة البنك و الآيــفوون



أخيراً رجعت لي بطاقة المكافآت...بعد تقريباً شهرين من سحب البنك البطاقة مني، لأنها إنتهت مدتها(يعني ماتصلح للأكل!!)....حصلت عليها قبل كم يوم!. توي متفرغ أروح لمركز شؤون الطلاب علشان أستلمها!...أصلاً مابغيت أستخدم البطاقة علشان أوفر كم قرش، فجاء البنك جزاء الله خير و سحب البطاقة، يعني كنت عايش بدون مكافأة لمدة شهرين.هههه

و النتيجة من هالإنتظار كانت أني وفرت ألفين إلا عشرين ريال...طبعاً ألفان ريال مبلغ مو سهل(بالنسبة لي)، و الواحد يبدأ يحير.. إيش يشتري فيهم...جاء على بالي أشياء واجد..إكس بوكس، جي بي إس، ولا أغراض للسيارة...جلست أفكر بس مو جاي على بالي شي....لين بعدين في ذاك اليوم و أنا أتصفح منتدى جدة بويز للسيارات، جفت واحد أسمه أحمد(إداري في المنتدى) ، حاط إعلان عن الآيفون، هو يشتريه من أمريكا و يشحنه لسعودية و ياخذ عمولة بسيطة، طبعاً أحمد ساكن هناك، يدرس في جامعة كاليفورنيا...المهم..كان السعر إلي حاطه حلو...فـ مافكرت كثير، على طووول إتصلت عليه و إتفقت على طريقة التسديد و كم شغله ثانية...و اليوم أودعت له القروش في حسابه عن طريق البنك و كلمته بعدين وقالي أنه بيشحنه إنشاء الله اليوم و بيكون عندي إنشاء الله يوم الإثنين. عـاد أنا الحين مو قادر أنتظر ليوم الأثنين، سوبر متحمس. هههه

-----------------------------------------------------------------------------------


٧ شوال ١٤٢٨ هـ

Nissan GT-R

Finally after a long wait, the official images have been release of the 2009 Nissan GT-R.

~More info~






٤ شوال ١٤٢٨ هـ

Exam = Busy

Exams are coming soon...so I’m pretty busy right now!.. >_<

hmm....and i just finished Quake 4 yesterday..

١ شوال ١٤٢٨ هـ

GEOCACHING




Hi everyone. ^^

....My cousin hasoon had bought some books and car magazines from jareer book store last week, and among these books there was one with weird title,.."Geocaching....treasure hunting"!, i though its a story in the beginning :P, but it wast...This book is about a game called Geocaching!


Geocaching is an outdoor game, the goal of this game is to find the treasures(cache) by using the GPS device!!...isn't that cool! ^^. Let me explain how to play this game for u guys....First things, u have to register for a new account in the official website, after u are done with reg, u start to look for cache in or near ur area, after u choose one u take the coordinates(waypoint)and enter it in ur GPS, which locate the direction of ur treasure and u can start ur adventure after that.......


and dont be so exacted, these treasure 'll not make u rich :P, these treasures are something small and cheep like a pin or small toy.etc..lol. Some treasure in this game are so hard to reach...believe it or not....the book says that there are 17 treasures located in the South Pole(Antarctica)!!, and there is one locate at a depth of 2300 m under the sea!!! .lol O_o

btw there are many treasure in Saudi Arabia too!, there is a new one in Dammam cornech. but unfortunately I don't have a GPS now!, I 'll buy one the next month ensha allah. i cant wait to begin! n__n




~Geocaching Website ~ ~ Read more in Wikipedia~

------------------------------------------------------------------------------------------------

٢١ رمضان ١٤٢٨ هـ

آخــــــــــــر يوم



اليوم الطفش واصل حده عندي، فقلت خل أكتب أي شي.....و ماجا على بالي إلى أني أتكلم عن يومي في الجامعة أو بشكل أدق آخر يوم قبل الإجازة...

اليوم الأربعاء آخر يوم في الدراسة و أشين يوم، الدكاترة دايماً يكون متشددين في تسجيل الحضور و علشان يضمنون حضور الطلاب لازم يسوون حـركتهم القديمة و إلي مازالت تستخدم إلى هذا اليوم، الطريقة و بكل بساطة أنهم يحطون موعد الكوزات في آخر يوم و اليغيب الله يساعده، ما في تعويض!.

نبدأً من يوم الثلاثاء إلى هو قبل الأربعاء!، من الحماس حق يوم بكره و الإجازة ماجاني نوم، ما إنسدحت على السرير إلى و مؤشر الساعة على السادسة صباحاً(هي في الحقيقة ساعة إلكترونية ما فيها مؤشر!). يعني ما باقي على المحاضرة إلى ساعتين، إنسدحت.... يمين يسار ما في فايدة....قعدت على هالحالة مدة ليييين نمت،......و عند الساعة السابعة و النصف بالضبط جات الوالدة تصحيني كالمعتاد، عــاد أنا كنت كالعادة تعباااان و ماالي خلق لشي، و أول ما صحصحت أشوي لبست هدومي و أخذت الشنطة و على طوووول للجامعة علشان نلحق على المحاضرة.

أول ما وصلت الجامعة ركنت السيارة في المواقف، عندي عادة مـن دخلت الجامعة و أنا أسويها، و هي أني دايماً أوقف السيارة آخر العالم، أدور المحل إلي ماحد يوقف عنده و أحط السيارة هناك، لا أحد يسأل ليش @_@ ....

المهم، وصلنا إلى مبنى 24 إلي هو المبنى إلي فيه أول محاضرة، أول محاضرة هي مادة Thermodynamics (الديناميكيا الحرارية)، و كان اليوم علينا كوز، وكالعادة... وصلت متأخر للمحاضرة، دخلت وجلست..، الصف إلي فيه المحاضرة صغير مرة يقلب المزاج و مرتب بطريقة غريبة، فيه أربع صفوف من الكراسي تبدأ من الخلف بعدين في المقدمة في ثلاث كراسي لحالهم لاصقين في الجهة الشمالية الغربية، يمكن صعب عليكم تتخيلون الصف لأنه فوضى بس بيت القصيدة أني أجلس دايماً في واحد من هالكراسي الثلاث، لأني دايماً أوصل متأخر للصف، هالكراسي موضعهم غير محبب للطلاب لأنه بيكون في وجه الدكتور مباشرة و تحس الطلاب إلي وراك دايماً يناظرون فيك ( هذي مشكلتي لحالي ،(>_> لهذا ماحد يجلس فيهم كلهم ينزاحون وره و مايخلون مكان فاضي علشان أجلس فيه، فما عندي خيار إلى أني أجلس في وجه المدفع!، صحيح أنه المكان يسد الخلق.... بس ماأقدر أنكر ميزات هل الموقع، يخليك تركز على الشرح، أولا لأن الواحد يمديه يسمع الدكتور بوضوح ومايحتاج ذاك التركيز علشان يسمعه و يمديك تشوف السبورة بسهوله لأنك قريب منها، ومايكون قدامك ناس فتظطر تروح يمين يسار و فوق علشان تشوف شنو مكتوب، يعني قاعد و مريح. ثانياً، وهو الأهم عندي إلي هي أنا الواحد يخاف يسأله الدكتور، بما أنه قريب منه فدايماً تشوف الدكتور حاط عينه عليك. فتحاول تفهم الدرس علشان لايعطيك الدكتور سؤال مباغت علشان يختبرك وله ياكلك بعدين>_>. معنه دكتورنا طيب مايضايق أحد، هو ما أدري يا باكستاني يا هندي، ما أعرف أسمه لين الحين!! O_o، نحيل و طويل، يلبس نظارات عدساتها كبيره!، ماعنده ذاك الشعر مع ذلك أحياناً تلاحظ أنه حاط جل!. و دايماً يلبس بناطلين غريبه، البنطلون العادي تشوف الإزرار في الوسط، أما بنطلون دكتورنا فيكون فيه أثنين واحد في الوسط و الثاني يكون على اليمين على ما أذكر، يكون الإزرار الثاني موصول بقماشه و القماشه تلتف حول جزء من خصره، القماشة تكون مغطيه على الزر الأول (ما أدري شان فهمتوا شي، ماني عارف أشرح ^^).

المهم، بدأ الدكتور الباكستاني ما أدري الهندي المحاضرة على حل كم مسأله في تحولات الطاقة و غيرها من هالمواضيع، و أنا طول الوقت أحاتي هالكوز، لين مابقى في المحاضره إلا ثلث ساعة، بعدين قال لنا الدكتور أن نرتب الكراسي و أنا تعبااان و مالي خلق.....رتبوا الطلاب الكراسي إلا أنا لأني قاعد لحالي عند منطقة الثلاث كراسي، و قاعد أناظر الدكتور و هو يسحب الشنطة و يدور على الأسئلة، عاد أنا قاعد أدعي... أنشاء الله نساهم، إنشاء نساهم.........بس كالعادة.. مافي حظ!، شوي إله ويسحب الدكتور الأوراق و يوزعهم، طبعاً لأني قاعد على كراسي مميزة تكون عندي خدمة مميزة!، أول من أستلم الورقة هو أنا......و بعد ما طالعت شوي في الورقة......يااااه....نفس مسائل الهوم ورك!!، فكان الكوز حق اليوم سهل...طبعاً لأني طالب شاطر و ما أنقش الهوم وركات مثل إلي وراي >_> ،....بختصار الكوز كان بحلاوته مثل حلاوة النوم.>_>

بعد ما خلصنا الكوز طلعت من الكلاس و أنا مستانس مع أنه فيه نوووم. ورحت حق المحاضرة الثانية......

المحاضرة الثانية كــانت في مبنى رقم 4،مبنى قسم الكيمياء...... مبنى 4 يعتبر من أعتج المباني في الجامعة على عكس مبنى 24 إلي يعتبر جديد نسبياً، كئيب.. مظلم... مبنى محطوط في آخر العالم!... طبعاً بالنسبة لموقعي إلي هو مبنى 24، يعني تقدر تقول أن مبنى 24 في أول العالم!، و مبنى 4 في آخر العالم!!.......و يالله، يبدأ المشوار و أنا أحمل هالشنطة إلي كلها مليانه كتب و دفاتر.....المشاور مليان صعود و نزول، بما أن الجامعة مبنيه على جبل...........المشوار ياخذ تقريباً 12 دقيقة، يعني دايماً أتأخر دقيقتين أو ثلاث عن الكلاس، المحاضرة هي عن مادة الرياضيات. لهذا السبب ماني بكاتب شي عنها، ما أبي أتذكر هالمحاضرة...كابوووس!..المهم بعد ما نخلص من هالكابوس نروح للمحاضرة الثالثة.

المحاضرة الثالثه هي Materials Science (علم المواد). عــاد تخيلوا وين المحاضرة؟.....موقع المحاضرة يكون في أول العالم!.......أي صح، مبنى 24 نفس المبنى إلي كنت فيه، و يالله......نبدأ المشوار من جد و جديد، نزول صعود و شمس....بعد المشوار الطويل وصلت لمبنى 24 و رقيت للطابق الثاني و مشيت ذاك الممر الطويل لين وصلت الغرفة، و أول ما وصلت الغرفة و أفتح الباب إله أشوف ها لمنظر الجميل... نص العالم غايبه، سبحان الله إذا كـان في غياب في الصف تنفتح نفسيتي للمحاضرة حتى لو كنت تعبااان و هلكااان، دخلت الصف و قعدت في المقدمة ( مافي الكراسي الثلاثة هنا)، وبدأ الدكتور المحاضرة....هي الصراحة مو محاضرة بس حل مسائل لأن في طلاب وايد غايبين، دكتورنا لهذه المادة أسمه أحمد زكي، هندي قصير عنده كرش لاباس فيه.......الحلو في هالدكتور أنه بطييييئ في الشرح، يعني يشرح لك نقطة على الصبورة و بعد مايخلص شرحه يجلس على المكتب و يشوف النقطة الثانية و يقعد و يقره فيها أشوي بعدين يرجع يشرح، في هالوقت يمدي الواحد ياخذ له غفوه بسيطة...حتى لو دقيقتين و لا يقعد يرسم و يشخبط على الدفتر و لا مثل ذاك اليوم...... ما ذاكرت للكوز إله في الحصة!!.هههه.........المهم، مر الوقت بسرعة و خلصنا الحصة و طلعت على طووول للمواقف و إلى سيارتي العزيزه. و إلى البيت وو..........خلاص تعيت من الكتابه >__<

و مع السلامة......

ملاحطة: كتبت الموضوع على سريع فيمكن تشوفونه مليان أغلاط إملائيه!!..

------------------------------------------------------------------------ ---- --------------- - ----- - -