22‏/04‏/2008

Gamercard




إلي حاب يضيفني لايتردد! ^^



10‏/03‏/2008

iPhone SDK





أخيراً!، طرحت شركة أبل في مؤتمر عقدته قبل كم يوم قطع التطوير أو البرامج إلي تمكن المبرمجين من
برمجة و إنشاء البرامج على الآيفون و الآيبود تش، سواءً كانت ألعاب أو برامج خدمية أو غيرها. يعني
يمدينا الحين نشوف برامج الـ Third-party على الآيفون و نركبها بدون شغل الهكر!!





وفي حركة عجبتني سووها في المؤتمر، إلي هو إعطاء المجال لشركتي EA و Sega لإظهار قدرات
الجهاز و البرمجيات في مجال الألعاب، فـ كل من هالشركتين جمع مبرمجيه و صمم لعبة وحدة، و عرضها
في المؤتمر، صحيح أن الألعاب تصميمها و فكرتها بسيطة، بس تقريباً أخذت أسبوعين على جان يسون كل
وحده منهم!، إذا جفت هالشي، ما تستغرب إذا كان تصميم و إنشاء لعبة على الأجهزة الثانية مثل Xbox
أو Playstation ياخذ فترة طويله!


على العموم، للمهتمين، بحط لكم رابط لتحميل الحدث، أخذت الرابط من مدونة ملياني.
APPLE


03‏/03‏/2008

Darrb




درب هو موقع إسم موقع عربي أطلق فكرة و خدمة جديده في عالمنا العربي، توي قاري
عن الموضوع في موقع GadgetsArabia فكرة المشروع جداً بسيطة، تخيل أن
عندك غرض معين و تريد ترسله إلى منطقة، مدينة أو بلد معين، فـ كل إليعليك تسويه
أنك تعرض الغرض و وجهة التسليم في الموقع، و تشوف شان أجد يقدر يوصل غرضك، بمقابل
مبلغ تتفقون عليه.


ميزة هذي الخدمة إلي جداً متحمس لها، أنك الحين يمكن يكون عندك بديل عن شركات
الشحن، إلي كل يوم و يزيدون في أسعار الشحن!، و فرصة للواحد يجمع له كم
قريشه بعد! ^^

نتمنى لأصحاب الموقع التوفيق! n_n

01‏/03‏/2008

صبغ البريكات





أخيراً صبغت البريكات، أمس في الليل.....هو عندي الصبغ من زمان و كان ودي أصبغهم، بس
كانتفي مشكلة في بلوط الجنوط، بسببها ما قدرت أفك الجنوط، بس الحمد لله، إنحلت المشكلة
الحين، بدلت كل البلوط بعد ما فكيتهم، طبعاً مو أنا إلي فكيتهم، وديتها الصناعية و هم فكوها هناك.


عاد و أنا أصبغهم، تذكرت أيام حصص الفنية في المدرسة، شعور حلو! ، و إنكب شوي من الصبغ
في الموقف و على البنطلون بعد!!هههه ^^




16‏/02‏/2008

أول يوم دراسي...



أخيراً......إنتهى أول يوم في الدراسة!!.

إلي دايماً أعتبره أكثر يوم ممل في الفصل كله!....من أيام المدرسة ولا حقني للجامعة!، أذكر أيام المدرسة..دايماً لمن
يتفضل الإستاذ علينا في أول يوم، ما يكون عنده إلا خيارين
يا أنه يتكلم عن مادته و و المواضيع الأساسية إلي بنغطيها في هـالفصل الجديد، و على كم كلمة تشجيعية للطلاب
و من هـالقبيل، ولا يسأل الطلاب عن إجازتهم، وين راحو و ومين و إيش شافوا إذا كانوا سافروا في الإجازة
وهكذا...لو خلونا نايمين مو كان أحسن!!

اليوم، إلي هو أول يوم بعد، كان شوي ممل، بس في أشياء كانت تقلل هالملل، ما كان عندي حصص ورى بعض
كثير،و لا قطع مشاوير من أول الجامعة لآخرها في عشر دقايق مثل مثل الفصل إلي راح، و الحمد لله، الدكاتره
إلي إخترتهم لهذا الفصل شكلهم طيبين و حلويين، مثل ماتوقعت...بس مو كل شي ماشي صح!! دكتور مادة
الإستاتيكس (STATICS)، مو جاي على بالي أسمه الحين، عندي معاه كم مشكله..مو لأن شرحه للمادة أو
أسلوبه ضعيف أو أي شي من هذا القبيل، الصراحة الرجال يفتح النفس و طيب و كثير الكلام، يحب يطلع
الكلام من الطلاب...أول شي أن الصف إلي أنا فيه ما فيه غير 4 طلاب و أنا منهم!، و السبب الثاني، و أنا
أعتبرها سلبية، أنه بعد خلصت المحاضرة و تكلمت معا الدكتور شوي، أكتشفت أو بالأحرى هو أكتشف
و عرف منهو أنا! ، طلع أنه من أصحاب الوالد!!..








04‏/02‏/2008

صور من عدسة جوالي

أهلين بالجميع...ه



صار لي فترة ما حطيت بوست في المدونة، بس ما نقول إلى الدنيا و مشاغلها!! المهم...موضوع اليوم عن التصوير، هو أنا منحطيت يدي على الجوال الجديد و أنا ماسك فيه تصوير، كل ما رحت محل، أقعد و أصور، هو الصراحة هذا أول جوال فيه كميرة عندي!!. المهم...في النهاية جمعت لي مجموعة كبيرة من الصور، فقلت خل أحط لكم كم صورة مع بعض التعديلات البسيطة!
إنشاء الله تعجبكم!...و إذا كان أي واحد عنده رأي أو أي ملاحظة، حتى لو ما هي حلوه.. لايتردد يقولها.. ^^


















10‏/11‏/2007

الآيفون



هذا هو جوالي الجديد، الآيفون..كنت ناوي أحط الصور أول ماحصلته، بس الكاميره أخذها خطيب إختي، لاحد يسأل ليش!!ه
همم...ما أدري شأكتب عن الآيفون، كل ما أكتب شي أمسحه!! بس كل إلي أقدر أقوله أني لحد الحين فراح و مستانس على الآيفون. حتى لمن رحنا لـ بيت الحجي في الويك إند، بدال الزهقه في السيارة و مشغل الآيبود طول الطريق، قعدت جفت حلقة من إنمي "لكي ستار" و كنت حاط حلقة من "لوست" على الآيفون بعد، بس للأسف عطيته إختي الصغيرة بعد فتره و لاقدرت أكمل الحلقة، حنت إله تبي تشوف "لكي ستار".هههه



.
.
.
.



هذي صوره بكميرة الآيفون لشعار الأبل على قزاز السيارة
^^

____________

::الجزء مخصص لمحبي السيارات فقط.هههه::

شي ثاني حبيت أكتب عنه، همم..في مثل هذي الأيام من السنة إلي طافت، تعرفت على واحد من منتدى المازدا 3، و..لقبه كولد زيرو، هو نفسه صاحب منتدى الهاي بوست، الصراحة الولد ساعدني كثير في تعديل سيارتي، لولاه جان ماركبت ولا قطعة في السيارة!، خاصةً لأن أغلب القطع لمكينة 2 و 2.3 لتر، إلي ماتنزل عندنا للأسف، فكانت القطع مو مضمونة تركب ميه بالميه..فبغيت أكتب هالشي و أقول له يعطيك ألف عافيه. :)

الحين هو ترك تعديل المازدا 3 للأسف!،، وباعني الجنوط و الكولد إير إنتيك. و هذا الكلام من زمان!، و الحين هو قاعد يجمع علجان يشتري له سكايلان آر33


هذي صورة لسيارته::



وهذا فيديوا لصوت دبات الماقنا فلو،
صورت الفيديو في أول مرة إلتقيت فيه معاه، كانت الساعة 12 الظهر تقريباً، في مواقف مجمع الظهران. و القهر أنه كان في نفس اليوم إلي كان عندي فيه إختبار الماث!..وعلى فكرة.. أنا ماشريت الدبات و التيب لحالهم مثل كولد زيرو، لأن مالي خلق توليف البيبات و المشاكل إلي يمكن تطلع منهم.. فـ شريت الكات باك كامل!! ه



30‏/10‏/2007

بطاقة البنك و الآيــفوون



أخيراً رجعت لي بطاقة المكافآت...بعد تقريباً شهرين من سحب البنك البطاقة مني، لأنها إنتهت مدتها(يعني ماتصلح للأكل!!)....حصلت عليها قبل كم يوم!. توي متفرغ أروح لمركز شؤون الطلاب علشان أستلمها!...أصلاً مابغيت أستخدم البطاقة علشان أوفر كم قرش، فجاء البنك جزاء الله خير و سحب البطاقة، يعني كنت عايش بدون مكافأة لمدة شهرين.هههه

و النتيجة من هالإنتظار كانت أني وفرت ألفين إلا عشرين ريال...طبعاً ألفان ريال مبلغ مو سهل(بالنسبة لي)، و الواحد يبدأ يحير.. إيش يشتري فيهم...جاء على بالي أشياء واجد..إكس بوكس، جي بي إس، ولا أغراض للسيارة...جلست أفكر بس مو جاي على بالي شي....لين بعدين في ذاك اليوم و أنا أتصفح منتدى جدة بويز للسيارات، جفت واحد أسمه أحمد(إداري في المنتدى) ، حاط إعلان عن الآيفون، هو يشتريه من أمريكا و يشحنه لسعودية و ياخذ عمولة بسيطة، طبعاً أحمد ساكن هناك، يدرس في جامعة كاليفورنيا...المهم..كان السعر إلي حاطه حلو...فـ مافكرت كثير، على طووول إتصلت عليه و إتفقت على طريقة التسديد و كم شغله ثانية...و اليوم أودعت له القروش في حسابه عن طريق البنك و كلمته بعدين وقالي أنه بيشحنه إنشاء الله اليوم و بيكون عندي إنشاء الله يوم الإثنين. عـاد أنا الحين مو قادر أنتظر ليوم الأثنين، سوبر متحمس. هههه

-----------------------------------------------------------------------------------